Dadansoddwch ddefnydd ynni eich ysgol - pryd mae'r ysgol wedi'i feddiannu?

 

Yn groes i'r farn gyffredin, nid yw athrawon yn byw yn yr ysgol.  Darganfyddwch ychydig mwy am pryd a sut mae eich ysgol yn brysur i ddeall pryd a sut mae ynni'n cael ei ddefnyddio yn eich ysgol.  

Mae siartiau Energy Sparks yn dangos defnydd eich ysgol o ynni pan fydd yr ysgol ar agor (gwyrdd) ac ar gau (glas) ar ddiwrnodau ysgol.

Er mwyn rheoli ynni'n dda, rydych am i'r rhan fwyaf o'ch defnydd ynni fod pan fydd yr ysgol ar agor.  Cymharwch y graffiau canlynol sy'n dangos y defnydd o drydan mewn dwy ysgol.   Pa ysgol sy'n defnyddio'r rhan fwyaf o drydan yn gynnar yn y bore?  Faint o'r gloch mae'r defnydd o drydan yn cynyddu'n sydyn?  Allwhc chi feddwl am reswm am hyn? A oes unrhyw un yn yr ysgol ar hyn o bryd?

 

Nawr edrychwch ar Ysgol E.  Pryd mae'r rhan fwyaf o drydan yn cael ei ddefnyddio?  Ydych chi'n credu bod hyn oherwydd bod yr ysgol yn llawn pobl?

Dyma’r data trydan diweddar ar gyfer eich ysgol:
 

Rydym yn gosod amseroedd agor a chau yn ddiofyn ond gallwch chi newid hwn ar gyfer eich ysgol pan fyddwch chi wedi mewngofnodi fel Gweinyddwr i'ch cyfrif Energy Sparks. Ewch i Rheoli Ysgol - Golygu Amseroedd Ysgol.  Dyluniwch holiadur i staff ei ateb fel y galli di ddeall yn well beth sy'n digwydd ar ddechrau a diwedd y diwrnod ysgol.  Efallai y byddwch chi am ofyn y cwestiynau canlynol: 

Pryd ydych chi'n cyrraedd?

Pa offer ydych chi'n eu troi ymlaen? (gan gynnwys goleuadau, tegelli, llungopïwyr, taflunwyr, byrddau gwyn, cyfrifiaduron, argraffwyr, gwresogyddion/tymherwyr)

Pa amser ydych chi'n gadael?

Mae hwn yn gyfle da iawn i staff feddwl am eu harferion cyrraedd a gadael.  A oes angen iddynt fod yn troi offer ymlaen mor gynnar neu'n ei ddiffodd mor hwyr?

Esboniadau
Mae gan Ysgol C naill ai lanhawyr sy'n dod i mewn yn gynnar iawn yn y bore neu system wresogi drydanol yn cynhesu'r ysgol.
Mae Ysgol D yn gynrychiolaeth dda o bryd mae staff yr ysgol yn dod i mewn.
Mae'n bosib y bydd digwyddiad hwyr gyda'r nos yn digwydd yn Ysgol E.  I ddeall mwy byddem yn edrych ar y graffiau ar gyfer y dyddiau nesaf.  Os bydd y patrwm hwn yn ailadrodd byddem am ymchwilio i amseriad y system wresogi drydanol neu ofyn i'r Gofalwr neu archwilydd Energy Sparks am fwy o help i ddeall beth sy'n digwydd.