Ymchwiliwch i opsiynau ar gyfer gwneud eich ysgol yn gwbl effeithlon o ran ynni

Mae llawer o ffyrdd y gallwn fynd i’r afael â mater gwastraff ynni mewn ysgolion.

Efallai eich bod yn ymwybodol o rai o'r rhain eisoes.  Maent wedi'u rhestru ar ddangosfwrdd oedolion eich ysgol o dan Cyfleoedd arbed ynni.

Mae rhai yn cynnwys pobl yn newid eu hymddygiad - fel diffodd goleuadau a diffodd offer dros wyliau - er mwyn osgoi gwastraffu ynni.  Bydd atebion eraill yn gofyn am ychydig o wybodaeth (fel newid rheolyddion y boeler) neu bydd angen i'ch ysgol brynu technoleg benodol (fel amseryddion neu oleuadau LED).  Mae hyd yn oed rhai atebion a fydd angen cymorth arbenigol a/neu lawer o gyllid.

Chwaraewch ein gêm arddull Top Trumps i ddysgu rhagor am ad-daliad cost a charbon amrywiol welliannau arbed ynni.

Efallai y byddwch yn sylwi y bydd rhai gwelliannau yn arbed llawer o CO2 ond dim llawer o arian, neu i'r gwrthwyneb. Bydd hyn yn dibynnu a yw gwelliant yn arbed nwy neu drydan. Mae nwy a thanwyddau ffosil eraill yn cynhyrchu llawer o CO2 pan gânt eu llosgi, felly bydd lleihau faint o danwydd ffosil a ddefnyddir mewn ysgol yn lleihau faint o CO2 a gynhyrchir. Yn y DU, mae trydan yn cynhyrchu ychydig bach o CO2 ar gyfer pob uned a ddefnyddir ond mae'n ddrud iawn. Felly bydd lleihau faint o drydan y mae ysgol yn ei ddefnyddio yn arbed llawer o arian ond ni fydd yn lleihau ôl troed carbon yr ysgol gymaint.

Eglurhad o'r graddau ar y cardiau
Lle bo modd, cymerir arbedion costau ac allyriadau a chost gosod o ddata Energy Sparks ar gyfer ysgolion y DU. Fel arall, defnyddiwyd ffigurau arbedion a chostau’r Ymddiriedolaeth Arbed Ynni ar gyfer cartrefi yn y DU.

Mae'r ysgol gynradd gyfartalog yn ddau ddosbarth mynediad, mae'r ysgol uwchradd gyfartalog yn chwe dosbarth mynediad.
Sylwch nad yw ystodau graddfeydd yn gyfartal o ran maint. 


Mae'r rhifau yn ein cardiau yn werthoedd cyfartalog.  Gallwch weld y gwerthoedd penodol ar gyfer eich ysgol ar blatfform Sbarcynni.

Gallwch ddod o hyd i rai o'r rhain ar ddangosfwrdd oedolion eich ysgol, fel yn yr enghraifft hon:

I ddarganfod cyfleoedd eraill bydd angen i chi archwilio'r tudalennau Cyngor Effeithlonrwydd Ynni, sydd ar gael o'r botwm 'Adolygu dadansoddiad ynni' ar y Dangosfwrdd Oedolion.