Cynnal ymgyrch i ddiffodd offer trydanol dros nos

Cynnal arolwg o bob ystafell ysgol i weld beth sy’n cael ei adael ymlaen dros nos a defnyddio sticeri goleuadau traffig i rymuso disgyblion i ddiffodd offer ar ddiwedd y diwrnod ysgol

30 CA1 CA2 CA3 Mathemateg a Rhifedd
Gweld 32 o weithgareddau cysylltiedig
Dim ond ychydig bach o drydan y dylai eich ysgol ei ddefnyddio dros nos ar gyfer eitemau fel oergelloedd, rhewgelloedd a gweinyddion. Ond mae'n debygol bod eich ysgol yn gadael eitemau eraill ymlaen dros nos. Bydd arolwg y tu allan i oriau yn eich helpu i adnabod yr eitemau hyn fel y gellir eu diffodd. 

  1. Cynnal arolwg manwl o holl ystafelloedd yr ysgol - 
    • Peidiwch ag anghofio'r ystafell boeler, ystafelloedd gwasanaethau a thu allan. Nodwch eitemau trydanol sy'n cael eu gadael ymlaen yn ddiangen, gan edrych yn arbennig ar oleuadau allanol, offer TG, gwresogyddion dŵr poeth trydan, pympiau ac offer ystafell offer eraill. 
    • Gwnewch restr ar gyfer pob ystafell o'r offer trydanol a rho sticer lliw ar switsh pob dyfais. Dylid defnyddio system godio goleuadau traffig ar gyfer y sticeri fel a ganlyn:
      •  Mae gwyrdd yn dangos y dylid diffodd offer pan nad ydynt yn cael eu defnyddio (e.e. cyfrifiaduron personol, goleuadau). 
      • Mae oren yn nodi y dylid diffodd offer ar ôl sicrhau nad oes neb yn ei ddefnyddio. 
      • Coch Peidiwch â chyffwrdd. Ni ddylid diffodd offer (e.e. oergelloedd, rhewgelloedd a gweinyddwyr rhwydwaith). 
  2. Sylwer: gellir defnyddio siapiau gyda'r lliwiau i gynorthwyo'r rhai a all fod yn lliwddall. 
  3. Diffoddwch yr holl offer sydd wedi'u labelu â sticer gwyrdd neu ambr. 
  4. Mesurwch eich defnydd llai o ynni - ar ôl diffodd pob defnyddiwr trydan diangen, mae'n dda gwirio'r arbedion. Defnyddiwch siartiau Sbarcynni i gymharu defnydd  eich ysgol o ynni dros y diwrnod cyn ac ar ôl yr ymgyrch diffodd. 
  5. Ailadroddwch y gwiriadau hyn yn rheolaidd i wirio nad yw eich llwyth dros nos yn dechrau codi uwchlaw’r lefel ‘arfer gorau’ a fesurwyd gennych uchod. 
  6. Gwnewch wiriadau ychwanegol pan fyddwch yn cau am wyliau'r ysgol - bydd gadael offer ymlaen dros y gwyliau yn defnyddio llawer o drydan diangen. 

Lawrlwytho adnoddau