Rydych chi wedi gwneud rhai newidiadau i ddefnydd ynni eich ysgol.  Nawr yw'r amser i weld yr effaith rydych chi wedi'i chael. 

Mae sawl ffordd o wneud hyn.

Yn gyntaf, os ydych chi wedi cynnal hapwiriad (e.e. goleuadau ac offer amser egwyl, amser cinio neu ar ôl ysgol, tymheredd, a yw pobl yn gwisgo dillad cynnes neu os yw drysau a ffenestri ar agor mewn tywydd oer), ailadroddwch hyn.  Beth ydych chi'n ei ddarganfod?  A oes gwelliant yn gyffredinol?  A oes rhai mannau lle nad yw'r neges arbed ynni wedi cyrraedd, neu a oes rhesymau eraill i'r meysydd hynny beidio â chydymffurfio?

Nesaf gwiriwch y data. 

Cymharwch y siart ar gyfer yr wythnos cyn eich ymyriad â'r siart ar gyfer yr wythnos wedyn.  A oes gwahaniaeth? 

Yn olaf, os ydych chi wedi gosod targed i leihau eich defnydd o ynni, adolygwch eich cynnydd.  Gallwch chi ddod o hyd i ddolen i hwn ar y Dangosfwrdd Oedolion. 

Peidiwch â phoeni os na welwch chi unrhyw newidiadau ymddygiad neu ddata eto.  Atgoffwch bawb am y neges arbed ynni - efallai y byddwch chi am wneud hyn drwy bosteri, arddangosiadau, neu wasanaethau.  Yna gwiriwch eto. 

Os gwnaethoch chi weld newidiadau - gadewch i bawb wybod amdano hefyd!  Dathlwch eich gwaith caled!

Mae hwn yn gyfle da i adolygu eich gweithredoedd.  Beth aeth yn dda?  Beth nad oedd yn llwyddiannus?  A wnaethoch chi wynebu unrhyw heriau?  Sut wnaethoch chi eu goresgyn?  Beth fyddwch chi'n ei wneud yr un peth y tro nesaf a beth fyddwch chi'n ei newid?

Gwnwch wirio yn rhan reolaidd o'ch gwaith Tîm Ynni fel y gallwch chi weld yn syth yr effaith rydych chi'n ei chael ar ddefnydd ynni ac allyriadau carbon eich ysgol. Cofnodwch hwn bob tro i ennill pwyntiau!