Mae 50% o nwy ysgolion yn cael ei ddefnyddio pan fyddant ar gau. Mae hyn yn wastraffus iawn ac yn cynrychioli’r cyfle hawsaf i arbed ynni drwy wneud yn siŵr nad yw eich boeler wedi’i amserlennu i ddod ymlaen ar y penwythnosau a thrwy gael trefn i’w ddiffodd cyn gwyliau. Os oes defnydd cyfiawn e.e. defnydd cymunedol, yna dylech sicrhau mai dim ond y rhannau hynny o'r adeilad sy'n cael eu gwresogi ac nid yr ysgol gyfan. Mae hyn yn arbennig o wir os yw aelod o staff am ddod i mewn. Ym mhob achos bron, mae'n fwy effeithlon gofyn iddynt ddefnyddio gwresogydd gwyntyll trydan dim ond ar gyfer yr ardal y maent yn gweithio ynddi. Mae contractwyr yn aml yn gwneud gwaith corfforol ac nid oes angen gadael y gwres ymlaen ar eu cyfer yn gyffredinol.

Mae Sbarcynni yn dadansoddi defnydd allanol eich ysgol. Gallwch gymharu sut mae eich ysgol yn gwneud yn erbyn ysgolion eraill gan ddefnyddio ein hofferyn meincnodi.

Os oes gennych amseryddion 24 awr mewn rhai adeiladau, nad ydynt yn gwybod pa ddiwrnod o'r wythnos yw hi, dylid eu disodli gan amseryddion saith diwrnod er mwyn osgoi gadael gwres ymlaen ar benwythnosau.