Mae ysgolion yn ymateb i streiciau hinsawdd ieuenctid byd-eang drwy archwilio sut y gallent fod yn sianelu angerdd eu disgyblion i weithredu ystyrlon. I lawer, mae hyn yn golygu archwilio'r syniad o ddatgan argyfwng hinsawdd. Mae pob un yn ymateb i'r argyfwng yn ei ffordd ei hun ond mae gan bob un ymateb disgybl-ganolog, gan rymuso myfyrwyr i weithredu a gwneud newid cadarnhaol i'r blaned yn eu hysgolion.   

Ysgol Chase, Malvern, Swydd Gaerwrangon oedd un o'r ysgolion cyntaf yn y DU i ddatgan argyfwng hinsawdd. Dilynwch y ddolen i ddysgu rhagor am yr hyn y maent yn ei wneud i weithredu.

Ystyriwch ymuno ag ymgyrch Let’s Go Zero Sefydliad Ashden i uno ysgolion y DU sy’n gweithio i dorri eu hallyriadau carbon i ddim erbyn 2030. Bydd pob ysgol sy’n ymuno yn addo gweithio tuag at ddyfodol mwy cynaliadwy, tra hefyd yn annog y llywodraeth i gefnogi’r genhadaeth hollbwysig hon. Drwy godi eu lleisiau gyda’i gilydd, bydd ysgolion a’u cynghreiriaid yn dangos y gefnogaeth aruthrol i ystafelloedd dosbarth di-garbon ledled y DU – a sut y gallant fod yn sbardun i weithredu cymunedol i fynd i’r afael â’r argyfwng hinsawdd.