Cyflwyno polisi ar ddiffodd goleuadau, cyfrifiaduron ac offer technoleg gwybodaeth arall

Diffodd y Goleuadau

Mae gan lawer o ysgolion y fantais o ffenestri mawr sy'n galluogi golau dydd naturiol digonol i fynd i mewn i ystafelloedd. Er gwaethaf hyn, mae goleuadau’n aml yn cael eu gadael ymlaen pan nad oes eu hangen a gall gofod ffenestri gael ei rwystro gan bosteri ac arddangosiadau o waith disgyblion, sy’n lleihau golau dydd. Bydd y camau isod yn eich helpu i wneud y defnydd gorau o olau dydd naturiol, gan leihau'r ddibyniaeth ar oleuadau artiffisial. Defnyddiwch yr awgrymiadau hyn i helpu i ysgrifennu  polisi ysgol ar ddiffodd goleuadau.

Diffodd Offer Technoleg Gwybodaeth

Oeddech chi'n gwybod?
Bydd un cyfrifiadur a monitor a adewir ymlaen 24 awr y dydd yn costio tua £45 y flwyddyn. Gallai eu diffodd y tu allan i oriau a galluogi nodweddion segur leihau hyn i lai na £10 y flwyddyn yr un ac ymestyn oes yr offer. Gallech chi arbed digon o ynni i wneud 30 o athrawon 6 cwpanaid o goffi bob dydd. 

Mae llawer o bobl yn cymryd yn ganiataol bod cynhyrchion trydanol i ffwrdd pan fyddant yn segur, ond yn y modd hwn maent yn parhau i ddefnyddio pŵer. Bydd yn arbennig o wyliadwrus o offer sydd â theclyn rheoli o bell – mae hwn yn arwydd diamau bod yr offer yn debygol o gael ei adael yn segur wrth aros am y signal ‘ymlaen’ o’r teclyn o bell. Mae golau LED coch neu wyrdd yn arwydd arall.